Tush.UZ - Tushlar tabiriFutbol bo‘yicha Yevropa Chempionlar Ligasining chorak final javob o‘yinida “Real” “Manchester Siti”ni penaltilar seriyasida mag‘lub etib, yarim finalga yo‘l oldi.
Madridliklar bosh murabbiyi Karlo Anchelotti “shaharliklar” ustozi Pep Gvardiolani ushbu musobaqadan uchinchi marta chiqarib yubordi.
Avvalroq Anchelotti boshchiligidagi “qaymoqranglilar” 2022-yilgi turnir yarim finalidan chiqarib yuborgandi. Shuningdek, Pep “Bavariya”da ishlab yurgan vaqtlari bo‘lgan 2014-yilda ham Karlo boshchiligidagi “Real” zafar quchib, final yo‘llanmasini qo‘lga kiritgan. Ikkalasida ham “Real Madrid” chempionga aylangan.
Eslatib o‘tamiz, “Real” Chempionlar Ligasi yarim finalida Myunxenning “Bavariya”si bilan to‘qnash keladi. Jamoalar o‘rtasidagi dastlabki uchrashuv 30-aprelga to‘g‘ri kelsa, javob o‘yini esa 8-may sanasida bo‘lib o‘tadi.