Tush.UZ - Tushlar tabiriGermaniyaga qarashli Lufthansa aviakompaniyasi aprel oyining oxiriga qadar Tehron va Bayrutga parvozlarni to‘xtatdi. Bu haqda Anadolu nashri xabar berdi.
Manbada aytilishicha, nemis aviakompaniyasi xavfsizlik nuqtai nazaridan shu oy yakunigacha Eron havo hududidan foydalanmasligini ma’lum qilgan. Tehron va Bayrutga parvozlar to‘xtatilishi haqidagi bayonot 18 aprel kuni e’lon qilingan.
“Lufthansa Group doimiy ravishda Yaqin Sharqdagi xavfsizlik holatini kuzatib boradi va baholaydi. Rasmiylar bilan yaqin aloqadamiz. Lufthansa’ning Tehron va Bayrutga parvozlari 2024 yil 30 aprel, seshanba kunigacha bekor qilinadi”, — deyiladi maxsus kompaniya bayonotida.