Evropa Ligasi. “Atalanta” “Liverpul”ni musobaqadan chiqarib yubordi

Futbol bo‘yicha Yevropa Ligasi chorak finalining javob o‘yinlari 18 aprel, payshanba kuni bo‘lib o‘tdi.

“Liverpul” safarda “Atalanta”ga qarshi bahs olib bordi. Uchrashuvning 7-daqiqasida Muhammad Salohning penaltidan urgan goli yagonaligicha qoldi va mersisaydliklar minimal hisobdagi g‘alabani rasmiylashtirdi.

Biroq ushbu gol Yurgen Klopp jamoasiga yarim final uchun yetarli bo‘lmadi. Dastlabki uchrashuvda “Atalanta” 3:0 hisobida zafar quchgan edi.

Joylangan vaqt : (19 Aprel 2024 09:00)

Manba: www.aniq.uz