Tush.UZ - Tushlar tabiriMazkur festivalni o‘tkazishdan maqsad madaniyat va axborot texnologiyalari sohalarini uyg‘unlashtirish, kelajak avlod tarbiyasi va shaxs kamolotida ijodiy salohiyatni rivojlantirishdan iborat.
O‘zbekiston davlat yosh tomoshabinlar teatrida Raqamli texnologiyalar vazirligi g‘oyasi asosida rejissyor, O‘zbekistonda xizmat ko‘rsatgan artist Malika Iskandarova tomonidan sahnalashtirilgan «Game over» spektakli omadli sahna asari bo‘ldi. Unda bugunning dolzarb mavzulardan biri – kompyuter o‘yinlariga berilgan bolakayning virtual olamga tushib qolishi bilan bog‘liq sarguzashtlar aks ettiriladi.
– Spektaklda zamonaviy kompyuter grafikasi va ilg‘or texnologiyalardan foydalanilgan,– dedi aktyor Barot Hasanov. – Mazkur sahna asari soha mutaxassislariga ham manzur bo‘ldi. Shu munosabat bilan aprel oyi yakunida mamlakatimizda ilk bor IT spektakllarga bag‘ishlangan xalqaro festival o‘tkazish niyatidamiz.
Festivalda O‘zbekiston, Ozarbayjon, Gruziya, Belarus, Kipr, Rossiya kabi davlatlardan 60 ga yaqin ijodkorlar ishtirok etadi.
Dasturdan rasmiy ochilish marosimi, ommaviy axborot vositalari ishtirokida xalqaro matbuot anjumani, IT mavzusiga bag‘ishlangan spektakllar namoyishlari, ijodiy davra suhbatlari, fotosessiyalar o‘rin olgan.
Hozirda festivalga tayyorgarlik jarayonlari ketmoqda.