Tush.UZ - Tushlar tabiri292 million so‘mlik 55 dona iPhone va Samsung qo‘l telefonlarining chetdan noqonuniy olib kirilishiga chek qo‘yildi. Bu haqda Farg‘ona viloyati Bojxona boshqarmasi xabar qildi.
Farg‘ona viloyati bojxona boshqarmasi Kontrabandaga qarshi kurashish bo‘limi xodimlari Namangan viloyati bojxona boshqarmasi xodimlari bilan hamkorlikda o‘tkazilgan tezkor-qidiruv tadbiri davomida fuqaro boshqaruvidagi Nexia-2 tezkor kuzatuvga olindi.
Ushbu avtotransport vositasi Namangan viloyatining Namangan shahri hududida to‘xtab turgan vaqtida ushlanib xolislar ishtirokida ko‘zdan kechirildi.
Natijada, avtomashina yukxonasida xorijda ishlab chiqarilgan va bojxona rasmiylashtiruvidan o‘tganligini tasdiqlovchi hujjatlari bo‘lmagan dastlabki qiymati 292 mln so‘mlik jami 3 turdagi 45 dona iPhone, 9 dona Samsung va 1 dona LG rusumli jami 55 dona qo‘l telefonlari ekanligi ma’lum bo‘lib, ashyoviy dalil tariqasida vaqtincha saqlovga olindi.
Mazkur holat yuzasidan tergovga qadar tekshiruv harakatlari olib borilmoqda.