Tush.UZ - Tushlar tabiriTojikiston yirik suv toshqinlari oqibatlarini bartaraf etish uchun Qozog‘istonga 3,5 ming tonna gumanitar yordam jo‘natdi, deya xabar beradi Kazinform agentligi.
Tojikiston rahbari matbuot xizmati xabariga ko‘ra, Emomali Rahmon 12 aprel kuni Qozog‘iston Prezidenti Qasim-Jomart Toqayev bilan telefon orqali muloqoti chog‘ida Qozog‘istonning qator viloyatlarida yuz bergan yirik suv toshqinlari bilan bog‘liq vaziyatni muhokama qilgan.
Tojikiston rahbari keng ko‘lamli suv toshqinlari munosabati bilan qardosh Qozog‘iston xalqini qo‘llab-quvvatlash so‘zlarini bildirdi. Shu munosabat bilan hukumatga zudlik bilan oziq-ovqat va zarur tovarlar ko‘rinishidagi insonparvarlik yordami partiyasini jo‘natishga tayyorlash vazifasi topshirildi.
Tojikiston Favqulodda vaziyatlar va fuqarolik mudofaasi qo‘mitasi Dushanbe va Xo‘janddan Qozog‘istonga 61 ta vagon va 13 ta yuk mashinasi jo‘natilganini ma’lum qildi.
Yuborilgan gumanitar yordamning umumiy og‘irligi 3,5 ming tonnani tashkil etadi. Ertaga yuk Qozog‘iston tomoniga Sariag‘ash shahrida topshiriladi.
Avvalroq aprel oyi boshida Qirg‘iziston Qozog‘iston xalqiga 300 tonna gumanitar yordam jo‘natgani xabar qilingan edi.