Tush.UZ - Tushlar tabiriRossiya hukumati xorijiy kuchlar davlat sirlariga kirishga urinishidan xavotirlanib, davlat xizmatchilarining chet elga chiqish qoidalarini kuchaytirmoqda. Bu haqda Reuters vaziyatdan xabardor to‘qqizta manbaga tayanib xabar berdi.
Agentlik suhbatdoshlariga ko‘ra, aksar amaldorlarga hatto Rossiyaga qarshi sanksiyalarga qo‘shilmagan do‘st davlatlarga ham borish taqiqlangan.
Umuman olganda, siz hech qayerga borolmaysiz, hattoki O‘zbekiston yoki Belarusga may oyidagi bayramlarda ham ruxsatingiz bo‘lsagina borishingiz mumkin, — deydi manbalardan biri.
Manbaga ko‘ra, Federal xavfsizlik xizmati (FXX) rossiyalik amaldorlar chet elga sayohat qilish chog‘ida “tuzoqqa tushib qolishlari va milliy xavfsizlikka ta’sir etuvchi sirlarni oshkor qilishga majbur bo‘lishlaridan xavotirda.
FXX, shuningdek, amaldorlar hibsga olinishi va keyin G‘arbga ekstraditsiya qilinishi yoki “sirlarni oshkor qilish” bilan bog‘liq kelishuv taklif qilinishi mumkinligiga ishonadi. Ular yanvar oyida anneksiya qilingan Sevastopolning sobiq gubernatori Dmitriy Ovsyannikov Londonda hibsga olinganidan keyin tartibni kuchaytirishga qaror qilishgan.
FXX talabiga binoan, hukumat ayrim bo‘limlar xodimlariga maxsus ruxsatsiz mamlakatdan chiqib ketishni taqiqlagan. Qoidalar xavfsizlikni rasmiylashtirish darajasiga qarab farqlanadi. Rossiya parlamentidagi manbaga ko‘ra, quyi palata xodimlariga xorijga har qanday safar taqiqlangan.