O‘zbekistonda bu yil hunarmandlarga qancha subsidiya ajratilishi ochiqlandi

O‘zbekistonda 2024-yilda jami 23,8 ming nafar hunarmandlarga 44,7 milliard so‘m subsidiya mablag‘lari ajratilishi rejalashtirilgani aytildi. 

Bu haqda AOKAda o‘tkazilgan brifingda Respublika “Hunarmand” uyushmasi boshqarma boshlig‘i Jamshid Tilyakov maʼlum qildi. Hunarmandchilik faoliyatini qo‘llab-quvvatlash uchun subsidiyalar 5 turda tuman (shahar)larning toifasiga qarab ajratiladi:

1. usta-shogird anʼanalari asosida yoshlarga hunar o‘rgatayotgan hunarmandlarga shogirdlar tayyorlash, zarur xomashyo sotib olish va shogirdlarni ish haqi bilan taʼminlash uchun — 6 oy davomida ajratiladi; 
2. shogirdlarga — mustaqil faoliyat boshlashi uchun zarur asbob-uskuna va jihozlarni sotib olish uchun;
3. ustalarga — internet saytlarini yaratish, o‘z mahsulotlarini jahon elektron savdo maydonchalariga chiqarish va reklama xarajatlari uchun;
4. hunarmandlarning “Hunarmand” uyushmasiga aʼzolik badali xarajatlari uchun bazaviy hisoblash miqdorining besh baravarigacha (1 700 000 so‘m);
5. hunarmandchilik faoliyati bilan shug‘ullanayotgan nogironligi bo‘lgan shaxslarning ish joyini moslashtirish uchun har bir moslashtirilayotgan har bir ish joyi bo‘yicha bazaviy hisoblash miqdorining 40 baravarigacha (13 600 000) miqdorda subsidiya ajratiladi.

Joylangan vaqt : (19 Aprel 2024 20:04)

Manba: www.daryo.uz