Ziroat Mirziyoyeva Farg‘ona viloyati bolalar ko‘p tarmoqli tibbiyot markazidagi “Mehrli maktab” gospital turdagi maktab filialining o‘quvchilari va pedagoglari bilan uchrashdi. Bu haqda “Zamin” xalqaro jamoat fondi xabar berdi.
Foto: “Zamin” xalqaro jamoat fondi
Ma’lum qilinishicha, “Zamin” fondi Vasiylik kengashi raisi uzoq muddat davolanayotgan bolalar ta’lim olishga qiziqishini yo‘qotmaganini, o‘qituvchilar ularni mehr va e’tibor bilan qo‘llab-quvvatlayotganini ko‘rgach, pedagoglarga samimiy minnatdorlik bildirdi va yoshlarni o‘z qobiliyatlari va iste’dodini rivojlantirishga ruhlantirdi.
Foto: “Zamin” xalqaro jamoat fondi
Foto: “Zamin” xalqaro jamoat fondi
“Mehrli maktab” davlat ta’lim muassasasi 2022 yil mayda hukumat qarori bilan tashkil etilgandi. Unda uzoq vaqt davomida davolanayotgan hamda oddiy maktab yoki bog‘chaga qatnash imkoniyati bo‘lmagan bolalar bilim oladi va tarbiyalanadi. Ular reabilitasiya jarayonidan ham shu yerning o‘zida ota-onalari ishtirokida o‘tadi.
Foto: “Zamin” xalqaro jamoat fondi
Foto: “Zamin” xalqaro jamoat fondi
“Gematologiya, onkologiya, klinik immunologiya, boshqa stasionar va uzoq muddatli ambulator davolanishda bo‘lgan bolalarga ta’lim va tarbiya berish tizimini yanada kengaytirish chora-tadbirlari to‘g‘risida”gi hukumat qaroriga ko‘ra “Mehrli maktab” filiallari 2023—2028 yillarda bosqichma-bosqich, biroq har yili kamida 3 ta hududda tashkil etilishi belgilangan.
Joylangan vaqt : (19 Aprel 2024 22:00)
Manba: www.aniq.uz
Tush.UZ - Tushlar tabiri