Tush.UZ - Tushlar tabiriSuriyada ISHID jangarilari 20 nafar askar va hukumatga qarashli kuchlarni o‘ldirdi. Bu haqda Al Arabiya xabar berdi.
Suriya Inson huquqlari observatoriyasining ma’lum qilishicha, Homs viloyatining sharqiy qishlog‘ida harbiy avtobusga hujum uyushtirilgan. Jami 16 nafar rejim kuchlari va hukumat tarafdorlari halok bo‘lgan. Ular orasida “Quds” brigadasining kamida to‘qqiz nafar a’zosi bor.
Suriya sharqidagi Albukamal qishlog‘idagi harbiy obyektga uyushtirilgan yana bir hujumda to‘rt nafar rejim kuchlari halok bo‘lgan. Hodisada jarohatlangan harbiylar kasalxonaga yotqizilgan.
ISHID 2014-yilda Suriya va Iroqning katta hududlarini egallab, o‘zining “xalifaligini” e’lon qildi va terror hujumlarini boshlab yubordi.