Tush.UZ - Tushlar tabiriNATO bosh kotibi Yens Stoltenberg alyansga a’zo davlatlar mudofaa vazirlari va Ukraina prezidenti ishtirokida o‘tkazilgan yig‘ilishdan so‘ng bayonot berdi
Stoltenbergning bayonotidan asosiy iqtiboslar:
◾️Ittifoqchilar o‘zlarining qurol omborlariga yaxshiroq razm solishlari va u yerdan snaryadlarni chiqarishlari kerak;
◾️NATO Ukrainaning Rossiya hududidagi harbiy nishonlarga zarbalarini qonuniy deb hisoblaydi;
◾️NATO davlatlari tavakkal qilib bo‘lsa-da, o‘z mudofaasi uchun zarur bo‘lgan qurollarni ham Kiyevga yuborishlari kerak;
◾️Chexiya bizni Ukraina uchun yarim million snaryad sotib olgani haqida xabardor qildi;
◾️NATO davlatlari Ukrainaga mojaro ishtirokchisi bo‘lmasdan turib uni himoya qilish uchun yordam berishga haqli;
◾️Alyans hozirda ittifoqchilarning birortasiga qarshi turli darajadagi harbiy tahdidlar yo‘qligini ko‘rmoqda. NATOning muhim to‘xtatuvchi jihati shundaki, alyansning bir a’zosiga qilingan hujum uning barcha a’zolariga hujum deb hisoblanadi;
◾️NATO mudofaa vazirlari Ukrainani havo hujumidan mudofaa tizimlari bilan ta’minlashga kelishib oldilar. Yetkazib beriladigan havo hujumidan mudofaa tizimlarining turlari va soni yaqin orada e’lon qilinadi;
◾️Patriot havo mudofaa tizimidan tashqari, ittifoqchilarda Ukrainaga berishi mumkin bo‘lgan boshqa qurollar, jumladan, Fransiyaning SAMP/T tizimi ham mavjud;
◾️Havo hujumidan mudofaa tizimlarini yetkazib berish imkoniyatiga ega bo‘lmagan davlatlar ularni sotib olish uchun moliyaviy yordam ajratishni va’da qilishdi.