Tush.UZ - Tushlar tabiri“Mediazona” e’tiborini tortgan Rossiya Tashqi ishlar vazirligining statistik ma’lumotlariga ko‘ra, 2023 yilda Nepalning 3037 nafar fuqarosi Rossiya vizasini olgan.
Nashrning qayd etishicha, Rossiya avvalgi yillarda Nepal fuqarolariga bunday katta miqdorda vizalar bermagan. Rossiyaga kelishning eng keng tarqalgan maqsadlari sifatida turizm (1756), ish (660) va ta’lim (459) ko‘rsatilgan.
Nepaldan tashqari, Efiopiya fuqarolariga g‘ayritabiiy darajada ko‘p miqdorda (1934 kishiga) rus turistik vizalari berilgan. Bundan tashqari, 2023 yilda ta’lim maqsadida 1335 nafar Kamerun fuqarolariga vizalar berilgan.
Fevral oyida CNN manbalariga asoslanib, Rossiya Mudofaa vazirligi 15 mingga yaqin Nepal fuqarosini Ukrainadagi urushda qatnashish uchun yollagani haqida xabar bergan edi. Telekanal ma’lumotlariga ko‘ra, Rossiya armiyasiga qo‘shilish istagida bo‘lgan Nepal fuqarolari mamlakatga sayyohlik vizasi bilan kiradi. Nepalliklalarning Ukrainaga qarshi urushda ishtiroki evaziga Rossiya hukumati ularga ikki ming dollar oylik maosh va Rossiya fuqaroligini tezlashtirilgan shaklda rasmiylashtirishni taklif qiladi.