Tush.UZ - Tushlar tabiriOzoda Nursaidova “Ko‘k Jiguli” qo‘shig‘ining xit darajasiga chiqishini kutmagani haqida so‘zlab berdi.
— “Ko‘k Jiguli” xit bo‘lishini kutmagandim. Bu qo‘shiq xalq qo‘shig‘i, “kult”iga aylanib ketganidan xursandman. Qo‘shiqni yaratishdan oldin so‘zlariga ham juda katta ahamiyat berganmiz. Ba’zilar qo‘shiq so‘zlarini sayoz deyapti. Lekin bu noto‘g‘ri. So‘zlarini eshitib, qog‘ozga tushirib ko‘rsa, u yerda ancha ma’no bor, ya’ni yoshlikdagi birinchi muhabbat. Shu “Jiguli”ni ko‘rsam esimga tushadi, deyapti. Bu yerda butun boshli dramaturgiya bor! Endi bunda o‘z hayotiy kechinmalarimdan ham foydalanganman. 85-yillari biz ham yosh bo‘lganmiz, maktab o‘quvchisi edik. 5—6-sinfda o‘qib yurardim. O‘sha “Disko raqqosi” moda bo‘lgan paytda biz hamma narsani o‘z ko‘zimiz bilan ko‘rganmiz. Qo‘shiq va klip o‘sha kechinmalarni aks ettirgan, — deydi xonanda.
Ma’lumot uchun, “Ko‘k Jiguli” qo‘shig‘i klipi 2024-yil mart oyi hisobiga ko‘ra, YouTube’da eng ko‘p ko‘rilgan musiqiy videolar orasida birinchi o‘rinni egalladi. 2024-yil 21-fevral kuni Ozoda Nursaidovaning YouTube’dagi kanaliga yuklangan klip 2 hafta davomida 47,5 milliondan ortiq tomosha qilingan. Shuningdek, qo‘shiq Mustaqil Davlatlar Hamdo‘stligi hamda Rossiya trendida, Lyuksemburg chartida esa 1-o‘ringa chiqqan. Klip 18-aprel holatiga ko‘ra, 140 million marta tomosha qilingan.