Tush.UZ - Tushlar tabiriAQSh prezidenti Jo Bayden amerikalik harbiylar Ikkinchi jahon urushi paytida Yangi Gvineya yaqinida aviahalokatda halok bo‘lgan amakisi Embrouz Finneganning jasadini kaniballar sababli topa olmaganini aytadi. Prezidentning so‘zlarini Oq uyning matbuot xizmati keltirgan.
“Mening Embrouz amakim […] razvedka maqsadida jangovar zonalar ustida bir motorli samolyotlarda uchardi. Uni Yangi Gvineyada urib tushirishgan, uning jasadini topishmagan, chunki Yangi Gvineyaning bu qismida haqiqatan ham odamxo‘rlar juda ko‘p edi”, – dedi Bayden 1 aprel kuni Pitsburgdagi tadbirda.
CNN telekompaniyasining qayd etishicha, Baydenning versiyasi AQSh Mudofaa vazirligi tomonidan chop etilgan hisobotdan farq qiladi. Pentagon ma’lumotlariga ko‘ra, Finneganning samolyoti o‘sha paytda Avstraliya tomonidan boshqariladigan Yangi Gvineyaga kuryerlik reysi bilan ketayotgan bo‘lgan va “noma’lum sabablarga ko‘ra” orol qirg‘oqlarida “favqulodda suvga qo‘nishga majbur bo‘lgan”. Qayd etilishicha, bortdagi uch kishi “cho‘kib ketgan samolyotdan chiqa olmagan va halokat natijasida halok bo‘lgan”. Ertasi kuni havodan amalga oshirilgan qidiruv “yo‘qolgan samolyot yoki ekipaj a’zolarining izlarini aniqlay olmagan”. Samolyot halokatida faqat ekipajning bir a’zosi omon qolgan.
Oq uy Baydenning kanniballar Finneganning qoldiqlarini topishga to‘sqinlik qilgani haqidagi bayonoti haqida batafsil ma’lumot bermadi, deb yozadi CNN.