Dilshod Rahmatov: «O‘yindan o‘yinga kuchayib boramiz. Maqsadimiz – chempionlik!»

Futzal terma jamoamiz sardori Dilshod Rahmatov Iroqqa qarshi uchrashuvdan so‘ng qisqa intervyu berdi.

«Osiyo kubogida oson o‘yinlarning o‘zi yo‘q. Bugungi uchrashuvda yirik hisobda g‘alaba qozonganimizga qaramasdan raqib ancha qiyinchiliklar yaratdi. O‘ylaymanki, o‘yindan o‘yinga kuchayib boramiz. Maqsadimiz — chempionlik. Shu sababli kimga qarshi maydonga tushishimizdan qat’iy nazar g‘alaba uchun harakat qilamiz. Ikkita turda olti ochkoga ega bo‘ldik, biroq Saudiya Arabistoniga qarshi uchrashuvga yengillik bilan qaraymiz deb o‘ylamayman.

Biz g‘alabali seriyani davom ettirishni istaymiz. Maqsadimiz guruhni yuz foizlik natija bilan yakunlash», — dedi terma jamoamiz sardori.
Joylangan vaqt : (20 Aprel 2024 18:00)

Manba: www.zamin.uz