Tush.UZ - Tushlar tabiriXorazm viloyati Urganch tumanida yashovchi X.A. ichki ishlar organlariga murojaat qilib, bank kartasidan 3 mln so‘m miqdoridagi pul mablag‘lari firibgarlik yo‘li bilan o‘zlashtirilganligini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida mazkur jinoyatni Andijon viloyati Asaka tumanida yashovchi 37 yoshli M.A. sodir etganligi aniqlangan.
Unga ko‘ra, M.A. Telegram orqali X.A. bilan tanishgan va unga o‘zini treyderlik faoliyati bilan shug‘ullanishini, shuningdek, pullarini oz fursatlarda ko‘paytirib berishini vaʼda qilib, aldov yo‘li bilan unga tegishli bo‘lgan bank karta rekvizitlarini qo‘lga kiritib, pullarini o‘zlashtirib olgan va o‘z ehtiyojlariga sarflab yuborgan.
Mazkur holat yuzasidan JKning 168-moddasi 3-qismi (firibgarlik) bilan jinoyat ishi qo‘zg‘atilib, M.A.ning sodir etilib fosh etilmay qolgan boshqa shu turdagi jinoyatlarga aloqadorligini tekshirish yuzasidan tezkor-surishtiruv ishlari olib borilmoqda.