Tush.UZ - Tushlar tabiriFuqarolik ishlari bo‘yicha Amudaryo tuman sudining 27.03.2024-yildagi ijro hujjatiga asosan voyaga yetmagan A.Ergashbayev va O.Ergashbayevlarni javobgar O.Radjapovdan da’vogar G.Urazbayevaning tarbiyasiga olib berish belgilangan.
Ushbu ijro hujjati Majburiy ijro byurosi Amudaryo tuman bo‘limi ish yurituviga kelib tushib, bo‘lim xodimlari tomonidan ijro harakatlariga kirishilgan.
Xususan, ijro hujjati ijrosini ta’minlash maqsadida Majburiy ijro byurosi Amudaryo tuman bo‘limi xodimlari tomonidan olib berilishi lozim bo‘lgan bolalar yashayotgan manzil, ya’ni Amudaryo tumani, Qang‘li OFY.da uyga borilib, javobgar otaga sud qarori ijrosi ta’minlanishi lozimligi, uning ijrosini ta’minlamaslik oqibatlari haqida OFY raisi ishtirokida tushuntirildi.
Shundan so‘ng, javobgar O.Radjapov bolalarni o‘z ixtiyori bilan onasi bag‘riga qaytargan va sud qarori ijrosi amalda ta’minlangan.