Tush.UZ - Tushlar tabiriJoriy yilning 25-30 aprel kunlari Xorazm viloyatining Xiva shahrida «Lazgi» II xalqaro raqs festivali bo‘lib o‘tadi.
Festival doirasida Kinematografiya agentligi buyurtmasi asosida yaratilgan o‘zbek kinolari namoyish etiladi. Xususan, “Inson kinostudiyasi” tomonidan suratga olingan "O‘zbek raqsi sehri” hamda «O‘zbekfilm» kinokonserni tomonidan yaratilgan “Raqs jozibasi” (“Charuyushiy mir tansa”) filmlarini tomoshabinlar e’tiboriga havola etish rejalashtirilgan.
Rejissyor Akbar Bekturdiyevning “O‘zbek raqsi sehri” filmida yaponiyalik qizning O‘zbekistonga kelib o‘zbek raqsi san’atini o‘rganishi va uning mohir ustasiga aylanib, konsert dasturlari bilan xorijiy davlatlarda tarannum qilayotgani aks ettiriladi.
Rustam Mirdadayev rejissyorligida suratga olingan “Raqs jozibasi” filmida esa, o‘zbek raqs san’ati, uning maktablari haqida hikoya qilinadi. Xususan filmda Farg‘ona, Xorazm, Buxoro va Qoraqalpog‘iston milliy raqsi yoritib berilgan.
Ma’lumon uchun, YUNESKO shafeligida o‘tkazilayotgan «Lazgi» II xalqaro raqs festivalida turli davlatlardan yurtimizga tashrif buyurgan raqs guruhlari ishtirok etadi. Misr, Qozog‘iston, Turkmaniston, Qirg‘iziston, Tojikiston madaniyat vaziri hamda AYSESKO bosh direktori festivalda Faxriy mehmon sifatida ishtirok etishi kutilmoqda.