Tush.UZ - Tushlar tabiriBuxoro viloyati G‘ijduvon tumanida polietilen quvurlarni qimmat narxlarda xarid qilish holati aniqlandi. Bu haqda Prokuratura departamenti xabar berdi.
Unga ko‘ra, holat Bosh prokuratura huzuridagi departamentning Buxoro viloyat boshqarmasi tomonidan o‘tkazilgan tergovga qadar tekshiruvda aniqlangan. G‘ijduvon tumani Obodonlashtirish boshqarmasi mas’ul shaxslari “Davlat xaridlari to‘g‘risida”gi qonun talablariga zid ravishda “B.K.” MCHJdan 5,7 milliard so‘mlik polietilen quvurlarni haqiqiy bahosidan qimmat narxlarda xarid qilib, davlat va jamiyat manfaatlariga 1 milliard so‘m miqdorida zarar yetkazgani aniqlangan.
Mazkur holat yuzasidan Jinoyat kodeksining 205-moddasi (hokimiyat yoki mansab vakolatini suiiste’mol qilish) bilan jinoyat ishi qo‘zg‘atilib, tergov harakatlari o‘tkazilmoqda.