Ibrohimxalil Yo‘ldoshev: “Biz raqib tanlamaymiz”

O‘zbekiston U-23 terma jamoasi himoyachisi Ibrohimxalil Yo‘ldoshev Vetnamga qarshi o‘yin (3:0) haqidagi fikrlari bilan o‘rtoqlashdi.

- O‘yin haqida...
- Yaxshi o‘yin bo‘ldi. Raqib jamoa mudofaalangan holda qarshi hujumlarga o‘tiga harakat qildi. Vetnam Malayziya va Kuvaytdan ajralib turadi, chunki ular to‘pni nazorat qilishda tezkorlikka ega. Vaziyatlardan unumli foydalana oldik. To‘p nazorati bizda bo‘ldi. Stadionga tashrif buyurgan muxlislarga, O‘zbekiston xalqiga minnatdorchilik bildiraman. Har bir o‘yin biz uchun muhim.

- Saudiya Arabistoni haqida qanday fikrdasiz?
- Saudiya yaxshi raqib. O‘zbekistonda o‘tkazilgan Osiyo kubogida boshqa tarkib bilan ishtirok etgandi. Keyingi uchrashuvda bor kuchimiz bilan o‘ynashga harakat qilamiz. Raqib tanlamaymiz. G‘alaba uchun maydonga tushamiz.
Joylangan vaqt : (24 Aprel 2024 09:00)

Manba: www.zamin.uz