Tush.UZ - Tushlar tabiri
Shri-Lanka yaqin kelajakda BRIKS tashkilotiga qo‘shilish niyatida, dedi mamlakatning Moskvadagi elchisi Janita Liyanage jurnalistlarga.
“Kecha muzokaralar bo‘lib o‘tdi va haqiqatda yaqin kelajakda BRIKS+ga qo‘shilish istagi bor. Bu ham transport, ham oziq-ovqat xavfsizligini ta’minlash va yana ko‘p narsalarni ta’minlash imkonini beradi», - deya uning so‘zlarini keltiradi RIA Novosti.
Ayni paytda Shri-Lanka mudofaa vazirining birinchi o‘rinbosari va parlament huzuridagi Xalqaro xavfsizlikni nazorat qilish qo‘mitasi raisi boshchiligidagi ikki delegasiya Rossiyaga yetib keldi. Delegasiyalar mamlakatning BRIKSga kirishini muhokama qilmoqda.
Bugungi kunda BRIKS tarkibiga Braziliya, Rossiya, Hindiston, Xitoy, Janubiy Afrika, BAA, Saudiya Arabistoni, Eron, Misr va Efiopiya kiradi.