Tush.UZ - Tushlar tabiriFutbol bo‘yicha Angliya Premyer Ligasining qoldirilgan 29-turidan o‘rin olgan “Arsenal” va “Chelsi” jamoalari o‘rtasidagi uchrashuv 23-aprel sanasida bo‘lib o‘tdi.
Uchrashuvning 4-daqiqasidayoq hisob ochildi. “Kanonirlar” futbolchisi Trossard o‘z hisobiga gol yozdirib qo‘ydi. Birinchi bo‘lim mezbonlarning kichik ustunligida yakunlandi.
Ikkinchi bo‘limda ham “Arsenal” ketma-ket hujumlar uyushtira boshladi. 52-daqiqada Ben Uayt hisobni ishonchli ko‘rinishga olib keldi. Oradan 5 daqiqa o‘tib, Kay Haverts sobiq jamoasi darvozasini ishg‘ol etdi. 65-daqiqada Haverts dublni rasmiylashtirdi. 70-daqiqada Uayt ham o‘z nomiga ikkinchi golni yozdirib qo‘ydi.
Qolgan daqiqalarda darvozalar daxlsiz qoldi va “Arsenal” derbida 5:0 hisobidagi g‘alabani rasmiylashtirdi.
“Arsenal” ushbu g‘alabadan so‘ng ochkolari sonini 77 taga yetkazdi va musobaqa jadvalida yetakchiga aylanib oldi. “Chelsi” esa 47 ochko bilan 9-pog‘onani band etgan.
APL
29-tur bahsi
23-aprel, seshanba
“Arsenal” – “Chelsi” 5:0
Gollar: 1:0 – 4 Trossard, 2:0 – 52 Uayt, 3:0 – 57 Haverts, 4:0 – 65 Haverts, 5:0 – 70 Uayt.
“Arsenal”: Rayya, Uayt, Gabriel, Saliba, Tomiyasu (Zinchenko, 72), Parti (Jorjinyo, 72), Edegor, Rays, Haverts (Gabriel Jezus, 72), Trossard (Martinelli, 72), Saka (Fabiu Vieyra, 82).
“Chelsi”: Petrovich, Gilkrist (Tiago Silva, 78), Disasi, Badyashil, Kukurelya, Gallaher, Mudrik (Sterling, 66), Fernandes (Chaloba, 67), Kaysedo, Madueke (Kazadei, 79), Jekson.
Ogohlantirishlar: Gilkrist (42), Kukurelya (43), Trossard (45), Arteta (45+1), Uayt (76).