Tush.UZ - Tushlar tabiri"Bu Bayden ma’muriyati tomonidan 2021 yil avgust oyidan boshlab Mudofaa vazirligi zaxiralaridan Ukrainaga yetkazib beriladigan qurollarning 56-transhidir. Uning qiymati 1 milliard dollar bo‘lib, Ukrainaning havo hujumidan mudofaa tizimlari, artilleriya snaryadlari, zirhli transport vositalari va tankga qarshi qurollar kabi eng dolzarb ehtiyojlarini qondiradi", deyiladi Pentagon bayonotida.
Paket, xususan, havo hujumidan mudofaa tizimlari uchun RIM-7 va AIM-9M raketalari, Stinger tizimi uchun raketalar, HIMARS tizimi uchun o‘q-dorilar, 155 mm va 105 mm artilleriya snaryadlari, Bradley zirxli texnikalari, Javelin va AT-4 tankga qarshi tizimlari, piyodalarga qarshi minalar, tungi ko‘rish moslamalari va boshqa jihozlarni o‘z ichiga oladi.
"Ushbu paket Ukrainaning front chizig‘ini mustahkamlash, shaharlarini himoya qilish va Rossiyaning davom etayotgan hujumlariga qarshi turish qobiliyatini qo‘llab-quvvatlashga imkon beradi", deya qo‘shimcha qilinadi bayonotda.