Tush.UZ - Tushlar tabiriUkraina Amerika yordamining kechikishi oqibatlarini his qildi, bu esa bir qator hududlarni yo‘qotishiga olib keldi. Bu haqda AQSh prezidentining milliy xavfsizlik bo‘yicha maslahatchisi Jeyk Sallivan ma’lum qildi.
"Amerika harbiy yordamini Kiyevga o‘tkazish yo‘qotilgan vaqtni qoplash uchun darhol boshlanadi", deya qo‘shimcha qildi u.
Sallivanning so‘zlariga ko‘ra, Qo‘shma Shtatlar Rossiya yaqin haftalarda yangi taktik muvaffaqiyatlarga ega bo‘lishi mumkinligini tan oladi.
Prezident maslahatchisi, Bayden fevral oyida Kiyevga katta miqdordagi ATACMS raketalarini topshirishni buyurganini eslatib, ular mart oyida topshirilgan va Qo‘shma Shtatlar Kiyevga ATACMS taktik raketalarini yetkazib berishda davom etishini ma’lum qildi.
Sallivan, shuningdek, AQSh va Yevropa Rossiya Federasiyasining muzlatilgan aktivlaridan Ukraina foydasiga foydalanish mexanizmini ishlab chiqayotganini, Ukrainani tiklash uchun Rossiya aktivlaridan foydalanish masalasi iyun oyida bo‘lib o‘tadigan G7 sammitining markaziy mavzularidan biri bo‘lishini aytdi.
"Ukrainaga yordam berish uchun ajratilgan pul 2024 yil oxirigacha yetadi", - deya xulosa qildi u.