Tush.UZ - Tushlar tabiriO‘zbekiston elchisi Adusalom Xatamov O‘mon Savdo-sanoat palatasi (SSP) raisi shayx Feysal al-Ravvos bilan uchrashuv o‘tkazdi, deb xabar qilmoqda "Dunyo" AA muxbiri.
Muloqot chog‘ida savdo-iqtisodiy, investisiyaviy va boshqa sohalarda O‘zbekiston-O‘mon hamkorligining bugungi holati va istiqbollari muhokama qilindi.
Tomonlar O‘mon ishbilarmon doira vakillarining O‘zbekistonda investisiyaviy loyihalardagi ishtirokini faollashtirish, mamlakatimizda yetishtirilgan qishloq xo‘jaligi mahsulotlari eksportini kengaytirish masalalariga alohida e’tibor qaratdilar.
Shayx Feysal al-Ravvos joriy yilning 2-3 may kunlari bo‘lib o‘tadigan uchinchi Toshkent xalqaro investisiya forumi ishida O‘mon Savdo, sanoat va investisiyani rivojlantirish vazirligi va Savdo-sanoat palatasi delegasiyasi ishtirok etishini bildirdi. Forum doirasida O‘zbekiston va O‘mon Savdo-sanoat palatalari o‘rtasida yangilangan anglashuv memorandumini imzolash rejalashtirilgan.
Uchrashuv yakunida Maskatda "Made in Uzbekistan" brendi ostidagi o‘zbek mahsulotlari ko‘rgazmasini tashkil etish bo‘yicha kelishuvga erishildi.