Tush.UZ - Tushlar tabiriGermaniyada Adidas va Nike o‘rtasida sud jarayoni bo‘lib o‘tmoqda. Ikki mashhur brend mualliflik huquqini buzganlik uchun sudga murojaat qilgan. Adidas kompaniyasi Nike kompaniyasini shimlar dizaynida uchta chiziqdan noqonuniy foydalanganlikda aybladi, deya xabar beradi Die Zeit.
Uchta parallel chiziqlar - Adidas kompaniyasining taniqli savdo belgisidir.
2022 yilda Amerikaning Nike kompaniyasi shimlarida shunga o‘xshash chiziqlar paydo bo‘ldi va bu holatni Adidas sudga berdi.
Biroq Nike bu da’volarni asossiz deb hisobladi. Ularning so‘zlariga ko‘ra, dizayn juda keng tarqalgan va ko‘plab kompaniyalar kiyimlarida uchta chiziqdan foydalangan.
Keyin sud Nike kompaniyasiga Germaniyada beshta aniq shimlarni taklif qilishni taqiqladi. Nike qaror ustidan apellyasiya berdi, biroq sud hukmni o‘z kuchida qoldirdi. Nike yana apellyasiya berdi va endi qaror yana qabul qilinishi kerak. Ish bo‘yicha qaror 28 may kuni qabul qilinishi kutilmoqda.