Tush.UZ - Tushlar tabiriMajburiy ijro byurosi organlari ish yurituvidagi banklar foydasiga hal qilingan sud qarorlari ijrosini ta’minlash yuzasidan muayyan ishlar qilinmoqda.
Xususan, fuqarolik ishlari bo‘yicha Urganch tumanlararo sudining qarzdorlar “A.D.A” MCHJ va “X.J.M.” MCHJdan solidar tartibda “O‘zsanoatqurilishbank” ATB Xorazm mintaqaviy filiali foydasiga jami 790.904 AQSh dollari va sudga da’vo ariza kiritishda to‘langan 30.000 so‘m pochta xarajati undirish, undiruvni garov mulki hisoblangan bino-inshootlarga qaratish to‘g‘risidagi ijro hujjati Byuroning Xorazm viloyati boshqarmasi ish yurituviga kelib tushgan va ijro harakatlariga kirishilgan.
Qarzdorlikni bartaraf qilish uchun qonunchilikka muvofiq, qarzdorlarga ixtiyoriy muddat berilgan bo‘lsa-da, ijro hujjati talablari bajarilmagan.
Ijro harakatlari davomida garov mulki bo‘lgan va ijro hujjatida undiruvga qaratilishi belgilangan Urganch tumani, Chakkasholikor qishlog‘i, “Shermatlar” mahallasida joylashgan umumiy yer maydoni 400 kv.metr, qurilish osti maydoni 237,45 kv.metr bo‘lgan qurilishi tugallanmagan non va bulochka ishlab chiqarish sexi xatlanib, boshlang‘ich bahosi 370 mln. so‘mga “E-IJRO AUKSION” elektron onlayn-auksion savdosiga chiqarildi.
Kelgusida, mulk realizasiyasidan tushgan pul mablag‘lari qarzdorlikni qoplash uchun yo‘naltiriladi.
Hikmatjon Otaboyev,
Byuroning Xorazm viloyati boshqarmasi inspektori