Tush.UZ - Tushlar tabiriEvroparlament Gruziyadagi hukmron partiyaning “Xorijiy ta’sirning shaffofligi to‘g‘risidagi” qonun loyihasini qabul qilishga urinishi munosabati bilan maxsus rezolyusiya qabul qildi.
Evroparlament deputatlari qonun loyihasini "Evropa Ittifoqining demokratik tamoyillari va qadriyatlariga mos kelmaydigan" deb hisoblamoqda. Rezolyusiya matnida qayd etilishicha, bu qonun Gruziyadagi huquqiy tartibining bir qismiga aylansa, mamlakatning YEIga a’zoligi bo‘yicha muzokaralar boshlanmasligi kerak.
Evroparlament deputatlari, shuningdek, Yevropa Kengashi va Yevropa Ittifoqi hamkorlarini “Gruziya orzusi” partiyasining faxriy raisi, milliarder Bidzina Ivanishviliga qarshi sanksiyalar joriy etish masalasini ko‘rib chiqishga chaqirdi.
Eslatib o‘tamiz, Gruziya parlamenti 17 aprel kuni “Xorijiy ta’sirning shaffofligi to‘g‘risidagi” qonun loyihasini birinchi o‘qishda qabul qildi, bu Gruziyada keng ko‘lamli noroziliklarga sabab bo‘lmoqda. Gruziyaliklar bir necha kundan beri ushbu qonunning qabul qilinishiga qarshi norozilik namoyishlari o‘tkazmoqda. Tanqidchilar bu qonun Rossiyaning shunday mazmundagi qonuni asosida ishlab chiqilganini qayd etishgan.