"Real" bosh murabbiyi Karlo Anchelotti darvozabon Tibo Kurtua jarohatdan to‘liq forig‘ bo‘lganini ma’lum qildi.
"Tibo o‘zini yaxshi his qilmoqda va "Kadis"ga qarshi maydonga tushishi mumkin. Uning tiklanish jarayoni ko‘ngildagidek o‘tmoqda".
Eslatib o‘tamiz, Tibo Kurtua jarohat sabab bu mavsum hali birorta o‘yinda maydonga tushmagan. "Kadis"ga qarshi uchrashuv 4 may sanasiga belgilangan.