Tush.UZ - Tushlar tabiriO‘zbekiston Respublikasi Oliy Majlisi Qonunchilik palatasi huzuridagi Parlament tadqiqotlari instituti 2024 yil uchun “12.00.11 — Parlament huquqi” ixtisosligi bo‘yicha mustaqil izlanuvchilikka qabul boshlangani haqida e’lon qiladi.
Talabgorlar Oliy ta’limdan keyingi ta’limni muvofiqlashtiruvchi Yagona elektron tizimi — http://phd.mininnovation.uz veb-saytida ro‘yxatdan o‘tishi va 15 apreldan 15 mayga qadar quyidagi hujjatlarni PDF shaklida yuborishi kerak:
Mustaqil izlanuvchilik (PhD):
• ariza;
• qisqacha biografik ma’lumot (ob’ektivka — namuna 3.5 shakl bo‘yicha o‘zbek yoki rus tilida);
• mehnat daftarchasining belgilangan tartibda tasdiqlangan nusxasi;
• yurisprudensiya ta’lim yo‘nalishi bo‘yicha oliy ta’lim muassasasi bakalavr va magistratura diplomi nusxasi;
• nashr etilgan ilmiy ishlar ro‘yxati, shuningdek, ularning nusxalari (kamida 1 ta maqola va 2 ta tezis);
• ish joyidan tavsifnoma;
• pasport yoki ID-karta nusxasi;
• O‘zbekiston Respublikasi Prezidenti Davlat stipendiyasi hujjat nusxasi (mavjud bo‘lsa).
Mustaqil izlanuvchilik (DSc):
• ariza;
• qisqacha biografik ma’lumot (ob’ektivka — namuna 3.5 shakl bo‘yicha o‘zbek yoki rus tilida);
• mehnat daftarchasining belgilangan tartibda tasdiqlangan nusxasi;
• oliy yuridik ma’lumot, yuridik fan nomzodi yoxud yuridik fanlar bo‘yicha falsafa doktori (PhD) yoki xorijiy davlatlarda unga tenglashtirilgan ilmiy darajaga ega bo‘lgani to‘g‘risidagi diplom nusxasi;
• nashr etilgan ilmiy ishlar ro‘yxati, shuningdek, ularning nusxalari (kamida 3 ta maqola va 2 ta tezis);
• ish joyidan tavsifnoma;
• pasport yoki ID-karta nusxasi;
• ilmiy yutuqlari mavjud bo‘lsa (O‘zbekiston Respublikasi Prezidenti Davlat stipendiyasi hujjat nusxasi).
Batafsil ma’lumot uchun (+998 78) 238-24-02 (2402), (+998 78) 238-24-16 (2416) telefon raqamlariga murojaat qiling.
Manzil: Toshkent shahar, Furqat ko‘chasi, 171-uy, O‘zbekiston Respublikasi Oliy Majlisi Qonunchilik palatasining 2-binosi.
http://phd.mininnovation.uz veb-sayti orqali ro‘yxatdan o‘tgach, talabgorlardan suhbatga qadar Institutga barcha zaruriy hujjatlarni (hujjatlar yig‘ma jildini) o‘rnatilgan tartibda taqdim etishlari so‘raladi.