Tush.UZ - Tushlar tabiriGdansk okrug sudi Rossiya fuqarosini “Rossiya razvedkasi foydasiga josuslik”da ayblab, 2,5 yilga ozodlikdan mahrum qildi. Bu haqda TASS xabar beradi.
“2024 yil 16 aprelda Gdansk okrug sudi Rossiya razvedkasi foydasiga josuslikda ayblangan Rossiya Federasiyasi fuqarosini, shuningdek, Polsha Respublikasining uch fuqarosini korrupsiya jinoyatlarida aybladi. Sud josuslik faoliyati uchun ayblanuvchini 2 yilu 6 oyga ozodlikdan mahrum qildi”, — deyiladi Gdansk okrug prokuraturasi saytida.
Prokuratura ma’lumotlariga ko‘ra, Rossiya fuqarosi Polshada qonuniy istiqomat qilgan va tijorat faoliyati bilan shug‘ullangan. Ayblov xulosasida aytilishicha, u harbiy tarixiy rekonstruksiya jamoalarida ishtirok etish orqali Polsha harbiylari bilan aloqalarni davom ettirgan va bu aloqalardan Polsha armiyasi bo‘linmalarining joylashishi va ularning soni haqida ma’lumot to‘plash uchun foydalangan.
2023 yil dekabr oyida Polshaning Lyublin shahri okrug sudi Polsha rasmiylari Rossiya Federasiyasi foydasiga josuslik qilishda ayblagan Belarus, Rossiya va Ukrainaning 14 nafar fuqarosi ishi bo‘yicha qaror qabul qildi.
20 yoshli Rossiya fuqarosi Maksim S. sud tomonidan 2 yil 11 oyga ozodlikdan mahrum etildi va 15 ming zlotiy (3750 dollar) miqdorida jarimaga tortildi. Tergov ma’lumotlariga ko‘ra, guruh go‘yoki 2023 yilning yanvaridan martigacha faoliyat yuritib, muhim infratuzilma, jumladan, harbiy inshootlar va dengiz portlari haqida ma’lumot yig‘ish, shuningdek, qo‘poruvchilik harakatlarini tayyorlash va dezinformasiya tarqatish bilan shug‘ullangan. Aytilishicha, ular o‘z faoliyati uchun kriptovalyutada to‘lov olgan.