Tush.UZ - Tushlar tabiriQirg‘iziston prezidenti Sadir Japarovning Ozarbayjonga rasmiy tashrifi doirasida Armaniston ishg‘olidan ozod qilingan Fuzuliy va Agdam tumanlarida bo‘ldi.
Agdam tumanidagi Xidirli qishlog‘ida Qirg‘iziston hisobidan qurilishi rejalashtirilayotgan umumta’lim maktabiga tamal toshi qo‘yish marosimi bo‘lib o‘tdi.
Prezidentlar Fuzulidagi armanlar ishg‘oli davridagi vayronalarni ko‘zdan kechirdi. Ularga bu yerda amalga oshirilayotgan restavrasiya va rekonstruksiya ishlari haqida ma’lumot berildi.
So‘ngra Aliyev va Japarov Agdam shahriga borib, u yerdagi tarixiy obidalarni ziyorat qilishdi, rekonstruksiya va restavrasiya ishlari bilan tanishishdi. Davlat rahbarlari Agdam shahrining qayta tiklangan tarixiy Juma masjidining ochilish marosimida ishtirok etishdi.
Aliyev va Japarov Agdamning Xidirli qishlog‘ida bo‘lib, Qirg‘iziston tomonidan quriladigan maktab poydevoriga birinchi toshni qo‘yishdi.
Qayd etilishicha, Xidirli qishlog‘ida umumta’lim maktabi qurish uchun 2,7 gektar maydon ajratilgan. Ikkita yer usti va yer osti qavatidan iborat bo‘ladigan binoda 22 ta sinf xonasi bo‘ladi. Shuningdek, maktabda sport va majlislar zali, 2 mehnat xonasi, kutubxona, fizika-kimyo va biologiya laboratoriyalari, 2 informatika xonasi, boshlang‘ich harbiy tayyorgarlik xonasi bo‘ladi. Maktab hududiga sport maydonchasi, do‘koncha, o‘rindiqlar o‘rnatilib, qozonxona quriladi. Qurilish ishlari 2024 yil oxirigacha yakunlanishi rejalashtirilgan.
Eslatib o‘tamiz, Fuzuliydagi qurilish-tiklash jarayoniga O‘zbekiston ham o‘z hissasini qo‘shgan. Jumladan, shaharda O‘zbekiston tomonidan qurilgan 1-umumta’lim maktabi «Qorabog‘ning tiklanishida xorijiy davlatning ilk sovg‘asi" bo‘lgan.