“TikTok” xo‘jayini ilovani sotmoqchi emas

“TikTok” ijtimoiy tarmog‘iga egalik qiluvchi “ByteDance” kompaniyasi ilovani sotish rejasi yo‘qligini ta’kidlab, o‘zining “Toutiao” yangiliklar platformasida xorijiy OAV tarqatgan xabarlar haqiqatdan uzoqligini ma’lum qildi.

Avvalroq “Information” nashri uch manbaga tayanib, ilovaning AQShdagi bo‘limi sotilayotganini yozgan edi.

Avvalroq Prezident Jo Bayden agar “ByteDance” Amerikadagi biznesini to‘qqiz oy ichida sotmasa, Kongressning ikkala palatasida qabul qilingan “TikTok”ni taqiqlash to‘g‘risidagi qonun loyihasi imzolanishini bildirgan edi.

AQShda bir necha yildan buyon ushbu ijtimoiy tarmoqqa qarshi kampaniya olib borilyapti. Kongress va Oq uy ma’muriyati taqiqqa rasmiy asos sifatida kompaniyaning XXR hukumati bilan aloqasi borligi ehtimoli mavjudligini, amerikaliklarning shaxsiy ma’lumoti xavfsizligidan qayg‘urayotganini ko‘rsatgan. Ikkinchi tomon esa ushbu ayblovlarni rad etib kelmoqda.

Joylangan vaqt : (26 Aprel 2024 22:00)

Manba: www.aniq.uz