Tush.UZ - Tushlar tabiriRossiya Tashqi ishlar vazirligi rasmiy vakili Mariya Zaxarova AQSh Kongressi Vakillar palatasi sobiq spikeri Nensi Pelosining AQShdagi falastinlik namoyishchilar ortida Rossiya prezidenti Vladimir Putin turgani haqidagi bayonotlari Amerika fuqarolariga nisbatan haqorat ekanligini aytdi.
«Buni amerikaliklarni haqorat qilish va demokratiyaga nisbatan kamsituvchi munosabatdan boshqa narsa sifatida baholab bo‘lmaydi», deb yozgan rossiyalik diplomat o‘zining Telegram-kanalida.
Avvalroq AQSh Kongressi Vakillar palatasining sobiq spikeri Pelosi intervyuda AQShdagi Falastin tarafdorlari norozilik namoyishlarini Rossiya tomonidan qo‘llab-quvvatlashini ko‘rishini aytgandi.
Bundan tashqari, Zaxarova «Izvestiya» nashriga AQSh Mudofaa vazirligi matbuot kotibi Patrik Rayderning AQSh armiyasi Ukraina Qurolli kuchlarini tayyorlamaydi, faqat moddiy-texnik ta’minot va qurol-yarog‘ ta’minotini nazorat qilishda yordam beradi, degan bayonotiga izoh berdi.
«Ukrainadagi Amerika harbiylari, boshqa narsalar qatori, terrorchilik hujumlarini amalga oshirishni muvofiqlashtiradi», deydi rossiyalik diplomat.