Tush.UZ - Tushlar tabiriNiderlandiya Bosh vaziri Mark Ryutte, NATOning janubiy qanoti Turkiya va uning rahbariyatiga muhtoj ekanini aytdi.
Ryutte Prezident Rajab Toyyib Erdo‘g‘an bilan Vahdettin saroyida bo‘lib o‘tgan uchrashuvdan so‘ng mushtarak matbuot anjumanida gapirdi.
Bosh vazirning aytishicha, uchrashuv chog‘ida kun tartibidagi masalalar, xususan, ikki tomonlama munosabatlar, shuningdek, geosiyosiy ahamiyatga ega bo‘lgan masalalar muhokama qilingan.
Ryutte: «Turkiya hal qiluvchi rol o‘ynaydi. Ayni paytda G‘azodagi vaziyatni tartibga solish uchun harakat qilmoqda. Shu bilan birga, u Ukrainadagi bu dahshatli urushga qarshi choralar ko‘rmoqda. Bu borada siz muhim rol o‘ynayapsiz».
«Turkiya geosiyosiy o‘yinchi. Turkiya mintaqada katta ta’sirga ega», dedi u.
Siyosatchining qo‘shimcha qilishicha, Turkiya va Niderlandiya o‘rtasidagi munosabatlar uzoq yillarga asoslangan. Uning so‘zlariga ko‘ra: uchrashuv davomida ko‘plab masalalar, jumladan, G‘azo va Ukraina masalalari muhokama qilingan.
NATO Bosh kotibligiga nomzodi muhokama qilinayotganini aytib, u shunday dedi:
«Turkiya NATOdagi juda muhim ittifoqdosh. Turkiya AQShdan keyin NATOdagi ikkinchi eng katta harbiy kuchdir. Turkiya murakkab mintaqada, qo‘shnilari qiyin jug‘rofiy holatda joylashgan davlatdir. Afsuski, terrorizm uning kun tartibida».
Uchrashuvda terrorizmga qarshi kurash masalasi ham muhokama qilinganini ta’kidlagan Ryutte: «Butun mintaqa barqarorligi va umumiy transatlantik munosabatlar nuqtai nazaridan, NATOning janubiy qanoti Turkiyaga, Turkiya yetakchiligiga muhtoj» dedi.