Qo‘shma Shtatlar Eron va Isroil bir-birining nishonlariga hujum qilganidan keyin Yaqin Sharqdagi keskinlik pasayadi, deb umid qilmoqda.
Bu haqda AQSh Davlat kotibi Entoni Blinken CNN telekanaliga bergan intervyusida ma’lum qildi.
"Endi, menimcha, umid qilamanki, biz bunday keskinlikni ko‘rmaymiz", dedi u.
Shu bilan birga, Blinken Eron va Isroilning shu oy boshida bergan zarbalari G‘azo sektoridagi urush Yaqin Sharqda keng ko‘lamli mojaroga aylanib ketishi mumkinligi haqidagi xavotirlarni kuchaytirganini ta’kidladi.