Tush.UZ - Tushlar tabiriAyni kunlarda ijodining 20 yilligiga bag‘ishlangan konsert dasturiga qizg‘in tayyorgarlik ko‘rayotgan xonanda Botir Qodirov jurnalistlarni qiziqtirgan ko‘plab savollarga javob berdi.
— Bu yilgi konsertda ijodimdagi eng xit taronalarni ijro etishni rejalashtirganmiz. Hozircha, duetlar borasida bir qarorga kelganimiz yo‘q. Munisa Rizayeva bilan kuylangan duetni aytish rejamizga kiritilmagan. Agar Yulduz Usmonovaning vaqti bo‘lib, konsertimga kelsa va duetni birga aytsak, faqat xursand bo‘laman. Uch blokdan iborat konsertda ijro etiladigan qo‘shiqlar borasida hali ham aniq to‘xtamga kelolganimiz yo‘q. Chunki unda aytilishi kerak bo‘lgan qo‘shiqlar ko‘p. Hozir maʼmurlardan konsert davomiyligini cho‘zilishga ruxsat berishlarini so‘rayapman. Agar muxlislarim charchab qolmasa, men jonli qo‘shiq kuylashga tayyorman, — deydi xonanda Botir Qodirov.
Xonanda Instagram tarmog‘ida chellenj o‘tkazib, qo‘shiqlarini mohirlik bilan ijro etgan yosh ijrochilarni konsertida xalqqa tanishtirishni vaʼda qilgandi. Xo‘sh, ishtirokchilar orasida pichoqqa ilinadigan yosh isteʼdod egalari bormi?— Chellenjda juda ko‘p yoshlar ishtirok etyapti. Albatta, isteʼdodlilari ko‘p. Ammo ular haqida aniq to‘xtamga kelolganimiz yo‘q. Chellenjni boshlashga boshladik, ammo u bilan shug‘ullanishga imkonim bo‘lmayapti. Jonli ijrodagi konsertning masʼuliyati katta bo‘ladi.
AQSHga uyushtirilgan gastrol safari chog‘ida jahonga mashhur xonandalar foydalanadigan firmalarning monitorlarini olib keldik. Texnikaga alohida eʼtibor beryapman. Chunki ovozning sifatli eshitilishida texnikalarning o‘rni katta. Avval ham to‘liq ijroda konsert berish xohishim bo‘lgan. Ammo texnika sifatining pastligi niyatimni amalga oshirishga to‘sqinlik qilardi. Rossiyadan musiqa rejissyorini taklif qildik. U Ayni damda “X-faktor” va “Ovoz” loyihalarida ham ishlayapti. U katta masshtabdagi musiqiy loyihalarni o‘tkazishda ancha tajribali ekan, — deydi Botir Qodirov.qiling.