Tush.UZ - Tushlar tabiriAvvalroq Oq uy Ukrainaga 300 kilometrgacha uchadigan ATACMS raketalarini yetkazib berishini ma’lum qilgandi. Qo‘shma Shtatlar bundan oldin Kiyevga ATACMS raketalarining 165 kilometr masofaga uchadigan turini yetkazib bergan edi.
"Taurus bo‘yicha qaror Germaniyada qabul qilinishi kerak. Ammo biz ATACMS raketalarini etkazib berish Berlinning qarorlariga ta’sir qilishi mumkinligiga umid qilamiz", — deya agentlikka izoh berdi Vashingtondagi yuqori martabali amaldor.
AFP, shuningdek, Fransiya va Buyuk Britaniya tomonidan Ukrainaga SCALP/Storm Shadow raketalarini yetkazib berilayotganini eslatib o‘tdi.
Germaniyaning Taurus raketalari 500 kilometrgacha uchish masofasiga ega. Germaniya kansleri Olaf Shols, mamlakatdagi boshqa siyosatchilarning tanqidlariga qaramay, Ukrainaga ushbu turdagi yetkazib berishdan bosh tortmoqda.