Jurnalistlar talqiniga ko‘ra Fil Foden APLning eng yaxshi o‘yinchisi deb topildi

Angliya futbol jurnalistlari uyushmasi “Manchester Siti” klubining yarim himoyachisi Fil Fodenni mavsumning eng yaxshi futbolchisi deb topdi. 

“Shaharliklar” yarim himoyachisi umumiy hisobda 42 % ovoz oldi va “Arsenal” klubi yarim himoyachisi Deklan Raysni ortda qoldirdi. 

Uchinchi o‘rinni “Manchester Siti” tayanch yarim himoyachisi Rodri egalladi.

Bundan tashqari, top-6 dan Martin Edegor (“Arsenal”), Olli Uotkins (“Aston Villa”) va Koul Palmer (“Chelsi”) ham o‘rin oldi. 

Bu mavsumda Fil Foden Premyer Ligada 31 ta o‘yinda maydonga tushib,  o‘z hisobiga 16 ta gol va 7 ta assistni yozdirib qo‘ydi.

 

Joylangan vaqt : (5 May 2024 12:04)

Manba: www.daryo.uz