Tush.UZ - Tushlar tabiriBosqinchilikka qarshilik endi Isroil va Falastin o‘rtasidagi urush emas, balki butun dunyo bo‘ylab zolimlar va mazlumlar o‘rtasidagi kurashdir. Bu haqda Gambiya poytaxti Banjulda bo‘lib o‘tgan Islom hamkorlik tashkilotining 15-sammitida so‘zlagan Turkiya tashqi ishlar vaziri Xakan Fidan ma’lum qildi.
«Hech birimizning muammolarimiz yoki raqobatimizni Falastin qoni orqali hal qilishga haqqimiz yo‘q», dedi turk vaziri.
Tashqi ishlar vazirining ta’kidlashicha, agar Isroil Rafah bo‘yicha o‘z rejalarini amalga oshirishda muvaffaqiyat qozonsa, dunyo ta’riflab bo‘lmaydigan darajada yana bir falokatga guvoh bo‘ladi.
Unga ko‘ra, Isroil javobgarlikka tortilishi kerak bo‘lsa ham, jazosiz qolmoqda.
«Bu bizning sinovimiz. Biz hamjihat bo‘lishimiz kerakligini isbotlashimiz kerak. Islom olami diplomatik yo‘llar va kerak bo‘lsa, majburlash choralari orqali natijaga erishish mumkinligini ko‘rsatishimiz kerak. Islom tarixi buzg‘unchi to‘qnashuvlarga boy. Bu xatolarni bugun takrorlay olmaymiz. Falastin masalasini mintaqaviy raqobatga qurbon qilib bo‘lmaydi. Hech birimiz Falastin qoni uchun muammolarimizni yoki raqobatimizni hal qilishga haqqimiz yo‘q. Agar Islom olamining hamjihatligi va birligi yo‘qolsa, yagona g‘olib Isroil va uning tarafdorlari bo‘ladi», deb ta’kidladi vazir.