Tush.UZ - Tushlar tabiriIsroil mudofaa kuchlari rejalashtirilgan harbiy operatsiyaga tayyorgarlik ko‘rish maqsadida Rafahdan tinch aholini evakuatsiya qilishni boshladi. Bu haqda The Times of Israel xabar berdi.
Rafah G‘azo janubida joylashgan bo‘lib, falastinliklar boshpana maqsadida shaharga kelgani sababli so‘nggi olti oy ichida aholisi 1,5 millionga ko‘paydi. Rafah Misr bilan chegarada joylashgan, BMTga ko‘ra, u G‘azoga insonparvarlik yordamini kiritishda muhim hisoblanadi.
Isroil bosh vaziri Binyamin Netanyaxu tashqi bosimga qaramay, Rafahga bostirib kirish rejasi bekor qilinmasligini aytgandi. O‘z navbatida, Bayden demokratlar va amerikaliklarning bosimi ortib bormoqda. Ular Amerika qurollari yordamida Isroil G‘azoda gumanitar qonunlarni buzayotgani va tinch aholini o‘ldirayotganini ta’kidlaydi.
O‘tgan oy AQSH prezidenti Jo Bayden Netanyaxuning G‘azo operatsiyasiga yondashuvini xato deb atadi va sulh tuzishga chaqirdi. AQSH bu hafta Isroilning Rafah shahrida tinch aholini himoya qiladigan HAMASga qarshi rejalashtirilgan operatsiya rejasini ko‘rmaganini takrorladi va Vashington bunday hujumni qo‘llab-quvvatlay olmasligini yana bir bor ta’kidladi.