Evropa Chempionlar ligasi yarim finalidan o‘rin olgan PSJ - "Borussiya" javob uchrashuvi o‘z nihoyasiga yetdi.
Parijliklarda bir qancha yaxshi imkoniyatlar yuzaga kelgan bo‘lsa ham, 50-daqiqada Xummels boshi bilan mezbonlar darvozasini ishg‘ol qilishga muvaffaq bo‘ldi. Ikki o‘yin natijasiga ko‘ra, "arilar" 2:0 hisobida g‘alaba qozonib, ilk finalchiga aylandi.
Shu tariqa, "Borussiya" so‘nggi 11 yil ichida ilk bor Chempionlar ligasi finaliga yo‘l oldi.