Tush.UZ - Tushlar tabiriAsablarni turli yo‘llar bilan junbishga keltirish mumkin, masalan, birinchi daqiqalardanoq o‘ziga tortadigan triller seriallarini tomosha qilish orqali. Filmni tomosha qilish davomida jinoyatlarni ochishingiz, qotilni topishingiz va bosh qahramonlar bilan birgalikda g‘alati uyning sirlaridan xabardor bo‘lishingiz mumkin.
“Avvalgi qiz”, 2021
Bosh qahramon sirli me’mor tomonidan qurilgan ajoyib uyga ko‘chib o‘tadi. Ammo vaqt o‘tishi bilan u yangi uy uni o‘zgartirayotganini payqaydi, keyin esa bu uyda xuddi o‘ziga o‘xshagan boshqa bir qiz sirli ravishda vafot etganini bilib qoladi.
“Yuzadagi”, 2022
Sofi xotirasini yo‘qotadi — do‘stlari va erining hikoyalaridan o‘z hayotining bo‘laklarini qayta tiklashga harakat qiladi. Ammo kunlarning birida barda uning oldiga Sofining o‘limga olib kelishi mumkin bo‘lgan baxtsiz hodisani yashirincha tergov qilayotgan notanish odam kelib, bor gapni aytib beradi.
“Nima bo‘lardi /Agar”, 2019
Bosh qahramon Anna pulga muhtoj yosh er-xotinga noodatiy taklif beradi. Natijada nafaqat ular, balki juftlikning do‘stlari va oila a’zolari ham azob chekadi. Anna odamlarni mohirona manipulyatsiya qiladi. Bosh rolni Rene Zellveger ijro etgan.
“Klikbeyt”, 2021
Oilasi va havas qilarlik hayoti bo‘lgan Nik kiberjinoyatga aralashib qoladi. Uning oilasi va do‘stlari buning ortida kim turganini, eng muhimi, bu narsa unga nima uchun kerakligini bilishga harakat qilmoqda.
“Sirlar va yolg‘on”, 2015
Tongda yugurishga chiqqan Ben Krouford o‘rmondan 5 yoshli bolakayning jasadini topib oladi. Shundan so‘ng uning hayoti keskin o‘zgarib ketadi, chunki u asosiy gumondorga aylanadi. Mahalliy tergovchi butun haqiqatni aniqlash niyatida. Kichkina shaharchaning sirlari va yolg‘onlari tez orada oshkor bo‘ladi.
“Garri Kveber ishi haqidagi haqiqat”, 2018
Ayrim triller seriyalari xuddi shu nomdagi romanlarga asoslangan. Ulardan biri “Garri Kveber ishi haqidagi haqiqat” seriali. Bosh qahramon yosh qizni o‘ldirishda ayblanmoqda. Gumonlanuvchining do‘sti va shogirdi yozuvchi Markus Goldman ustozining aybsizligini isbotlamoqchi. U buni uddalay oladimi?