Tush.UZ - Tushlar tabiriTurkiya hukumati 8-may kuni G‘azo sektoriga 1900 tonnadan ortiq gumanitar yordam jo‘natgan. Bu haqda Anadolu nashri xabar berdi.
Manbada aytilishicha, “Yaxshilik kemasi” dasturi doirasida oziq-ovqat, salomatlik, gigiyena va boshpana vositalarni o‘z ichiga olgan gumanitar yuklar kema orqali G‘azoga jo‘natilgan. Kema Mersin porti orqali jo‘nab ketgan.“Turkiya Tabiiy ofatlar va favqulodda vaziyatlarni boshqarish boshqarmasi (AFAD) rahbarligida Mersin xalqaro portidagi “Turkiya-Qatar-G‘azo yaxshilik kemasi”ga oziq-ovqat, salomatlik, gigiyena va boshpana vositalaridan iborat jami 1900 tonna insonparvarlik yordami yuklandi”, — Turkiya boshqarmasi rasmiy bayonotida.
Mersin xalqaro portida tayyorgarlik ishlari yakunlangandan so‘ng, kema soat 15:00 da jo‘nab ketgan. U Misrdagi Al-Arish portigacha kamida 40 soat suzishi aytilgan.
Hozirgacha Turkiya Sog‘liqni saqlash vazirligi, Vaqflar boshqarmasi, Turk Qizil yarim oy jamiyati va nodavlat tashkilotlar hamkorligida 13 ta samolyot va 10 ta kema bilan G‘azoga jami 52 ming 16 tonna turli gumanitar yordam materiallari yetkazilgani xabar qilingan. Kelgusida Anqara bu yordamni yanada ko‘paytirishi xabar qilingan.