Tush.UZ - Tushlar tabiriIsroil bosh vaziri Binyamin Netanyaxu Rafahdagi harbiy operatsiyadan ikkita asosiy maqsad — garovga olingan isroilliklarni qaytarish va HAMAS harakatini yo‘q qilish ko‘zlanganini aytdi.
“Biz avvalgi garovga olinganlarni ozod qilish jarayonida ham isbotlab bergan edikki, ularning qaytishi uchun HAMASga faqat harbiy bosim o‘tkazish zarur”, — dedi Netanyaxu.U Rafah nazorat-o‘tkazish punktining nazorati “HAMASning harbiy va boshqaruv salohiyatiga putur yetkazishda juda muhim qadam” ekanini aytdi. Netanyaxu Isroil askarlariga “vazifani a’lo darajada bajargani” uchun minnatdorlik bildirdi va so‘nggi kunlarda halok bo‘lganlarning oilalariga hamdardlik bildirdi.
Isroil bosh vaziri, shuningdek, HAMASning o‘t ochishni to‘xtatish taklifiga rozi bo‘lishini “Rafahdagi harbiy operatsiyani buzishga urinish” deb hisobladi. U HAMAS talablari va yahudiy davlatining maqsadlari o‘rtasida keskin tafovut borligini bildirdi.
“Isroil fuqarolarimiz xavfsizligi va davlatimiz kelajagiga tahdid soladigan taklifni qabul qila olmaydi”, — dedi Netanyaxu.
U Qohirada bo‘lib o‘tgan tinchlik muzokaralarida Isroil delegatsiyasiga garovga olinganlarni ozod qilish va mamlakat xavfsizligini ta’minlash uchun zarur shart-sharoitlarni talab qilishni buyurdi.
Isroilning Rafahdagi amaliyoti
6-may kuni Isroil armiyasi G‘azo sektorining janubidagi Rafahning sharqiy hududlarida harbiy amaliyotlar boshladi. U yerda yashagan bir yarim millionga yaqin falastinlik G‘azoning shimoliy va markaziy qismiga qochishga majbur bo‘ldi.
Isroil bosh vaziri idorasi garovga olinganlarni ozod qilish masalasida HAMASga bosim o‘tkazish uchun Rafahdagi amaliyotni davom ettirishga bir ovozdan qaror qilgan. Bundan tashqari, Isroil harbiylari G‘azoga gumanitar yordam yetkazilishiga imkon beruvchi — Rafah va Kerem Shalom nazorat-o‘tkazish punktining Falastin qismini egallab olgan.