SEVGINI HOR QILGANNI..

Biriga va`da berib, boshqani yor qilganni,
Ishqning uvoli tutsin sevgini hor qilganni.

Muxabbat mangu osmon, unga sig`maydi yolg`on,
O`ldirar xaqqi vijdon, sevgini hor qilganni.

Quyon ko`z, quyon yurak, sherga taqlid ne kerak,
Bir joni sakkiz bo`lak, sevgini hor qilganni.

Na yashaydi na o`lar, kuzak kelmay to`kilar,
Dil kuylagi so`kilar, sevgini hor qilganni.

Erkak bo`lsin, hox ayol, lafzin asrasin xalol,
Umrini aylar zavol, sevgini hor qilganni.

Oshiq Ahad talpinur, garchi taqdir xal qilur,
Biling, shayton axlidur, sevgini hor qilganni.

Biriga va`da berib, boshqani yor qilganni,
Ishqning uvoli tutsin sevgini hor qilganni.

( Ahad Qayum )