BECHORA MUHABBATIM...

Azobdagi rohatim,
Bedorlikda toqatim,
Sendadir ko`ngil xatim,
Bechora muhabbatim.

Hech yo`qolmas izimsan,
Bahorimda kuzimsan,
Qismatimda to`zimsan,
Bechora muhabbatim.

Senga ne bor oylarda,
Toza dil yo`q joylarda,
Panoh izlab yurarsan,
Mensiz yolg`iz kaylarda.

Visoldagi furqatim,
SHijoatsiz jur`atim,
Hech o`zgarmas suratim,
Bechora muhabbatim.

Yurak deya adosan,
Sen kechagi xatosan,
Yaratgandan atosan,
Bechora muhabbatim.

Har bosgan yering cho`g`dir,
Nigohing paykon o`qdir,
Ozor berib to`ymasan,
Ahadga rahming yo`qdir.

Azobdagi rohatim,
Bedorlikda toqatim,
Sendadir ko`ngil xatim,
Bechora muhabbatim.

( Ahad Qayum )