BUNCHALARAM YOMONSAN SEVGI

Sevgi, bunchalaram yomonsan sevgi,
Ko`nglimni sovutgan armonsan sevgi,
Ko`zlarimni bog`lab, aldab, aslida-
Yolg`onsan,
Yolg`onsan, yolg`onsan sevgi!

Sevgi, kel azizim, yolg`izim, jonim,
Sen bilan go`zaldir o`tgan xar onim,
Sensiz, ko`z yosh bo`lib to`kilar qonim,
Bir on lazzat, ming yil xijronsan sevgi,
Sevgi, bunchalaram yomonsan sevgi...

O`rtamizda xayron bitta tugmacha,
Mexr kutib yashar tongdan tungacha,
Kel sevgi bu dunyo, qolar kimgacha,
Meni yig`latib sen handonsan sevgi,
Ko`nglimni sovutgan armonsan sevgi.

Sevgi o`z xolingga xayronsan sevgi,
Mening chin qalbimga ishonsan sevgi,
Sendan o`zgasiga qiyo xam boqmay,
Shunchalar ardoqla, shunchalar sevki...

( Ahad Qayum )