TILINGNI TIY DEDILAR

Tilingni tiy dedilar, g`arazni qo`y dedilar,
U-ku bevafo ekan, boshqani suy dedilar.

Ko`zlarim ochdi sevgi, mendanam kechdi sevgi,
Labimga bo`sa tutib, qonimni ichdi sevgi.

Yurakkinam sen eshit, senga g`amli bir qo`shiq,
Aytayin nolam bilan, aytayin dardim qo`shib!

Oxlarim otilganda, muxabbat sotilganda,
Gunox o`tdi ayt kimdan, qasding bormi yo menda.

Dunyodir tosh tarozi, Ahad dunyodan rozi,
Bulbul yuragi tinmas, tushmas qo`lidan sozi.

( Ahad Qayum )