SHUNCHALIK SEVASANMI?

Azizim visol uchun,
Joningni berasanmi?
Men deb yonasan nechun,
Shunchalik sevasanmi?

Yoring bo`laman deysan,
Boring bo`laman deysan,
Zoring bo`laman deysan,
Shunchalik sevasanmi?

Ishqim balki yolg`ondir,
Muxabbatim gumondir,
Niyatim xam yomondir,
Shunchalik sevasanmi?

Aldolmas bu ko`zlar deb,
Yonmang boshqa qizlar deb,
Quchasan to`yib-to`yib,
Shunchalik sevasanmi?

Ahad xam senga zordir,
Sensiz dunyosi tordir,
Ahdidan kechish ordir,
Shunchalik sevasanmi?

( Ahad Qayum )